قصيدة آنه أنسان : قاسم الدخيني

Monday, 09 May 2016 21:20 Written by  font size decrease font size decrease font size increase font size increase font size

أحب الدين و الأيمان

أحب الصلح و الأحسان

أحب الخلگ كلهه و اكره الطاغوت ...

آنه أنسان

و الله ايگول أَلا تَطْغوْا في الْمِيزَانِ

آنه أنسان

أحب الدنيه جنـّه أتصير مو تابوت ...

أحب ساس الثقافه ينبني من أبيوت

أحب اليهدي لـ أُمه تاج من ياقوت

آنه انسان

أحب ابلا جواز اعبر على البُلدان

آنه أنسان

أحب النخله اجت لل دنيه وگفا و ما حنت لل گاع

مثل وگفت  مُحمّدﷺ من يطب ميدان

آنه أنسان

صنم أعبد و لا اصيرن عبد لأنسان

آنه أنسان

أحب وحدة فعل ...

ما أحب وحدة صوت

أحب اليعتنيهه و ما يضل منعوت

أحب الشهم من يتبخّر ابّاروت

أحب زفة جهاد اعلى القضيه اتفوت

و يضل دم الشهيد الكلِته نيشان

آنه انسان

بيني و بين الله حبل چنّه اعگال

آنه انسان

ما احب الحياة ابكثر حُب الموت

آنه أنسان

گد ما يكثر الطاغوت

آنه اكثر أبوسن مشنقات الموت

 

 

 

Read 7771 times
Rate this item
(0 votes)
Last modified on Sunday, 04 September 2016 11:08

تابعونا :

تويتر  :   فيس بوك    :      قناة الجبهة البث    :    اليوتيوب